ຖົງເຊືອກໃສ່ເຄື່ອງແຂວງອຸດົມໄຊ ເປັນທີ່ນິຍົມໃນກຸ່ມລູກຄ້າຍີ່ປຸ່ນ
ວຽງຈັນ (ວຽງຈັນທາມສ໌/ANN) – ກຸ່ມຊາວບ້ານແຂວງອຸດົມໄຊ ປະສົບຄວາມສຳເລັດໃນການຂາຍຖົງເຊືອກໃສ່ເຄື່ອງຂະໜາດຕ່າງໆ ແລະ ຜະລິດຕະພັນຝ້າຍ, ທັງພາຍໃນ ແລະ ຢູ່ປະເທດຍີ່ປຸ່ນ.
ຖົງດັ່ງກ່າວແມ່ນຜະລິດມາຈາກເຄືອໄມ້ ທີ່ມີຊື່ວ່າເຄືອປຽດ ແລະ ເປັນທີ່ນິຍົມຫຼາຍໃນກຸ່ມລູກຄ້າຊາວຍີ່ປຸ່ນ ຫຼັງຈາກທີ່ມີການປັບປ່ຽນການອອກແບບໃຫ້ມີຫຼາຍຮູບຫຼາຍຂະໜາດ.
ຖົງໃສ່ເຄື່ອງດັ້ງກ່າວໄດ້ມີການວາງສະແດງໃນງານວາງສະແດງຜະລິດຕະພັນຫັດຖະກຳລາວ ນະຄອນຫຼວງວຽງຈັນໃນອາທິດແລ້ວນີ້ ເຊິ່ງທ່ານ ວິໄລເພັດ ອຸນະພອນ ຕົວແທນກຸ່ມຊາວບ້ານກ່າວວ່າໄດ້ຂາຍດີ.
ສຸກສະໄໝ ບູລົມ
